1.

GEBRUIK VAN WEBWERF

1.1

Persone wat die LESERSKRING-webwerf (www.leserskring.com) om watter rede ook al gebruik ("Gebruikers"), onderwerp hulself aan en aanvaar die bepalings en voorwaardes van LESERSKRING, soos hieronder uiteengesit, wanneer hulle toegang tot die webwerf verkry.

1.2

Hierdie webwerf word deur LESERSKRING, 'n afdeling van Media24 Boeke (Eds) Bpk (registrasienommer 1953/000037/07)bedryf ("LESERSKRING"). die doel van hierdie webwerf is om die gebruiker te voorsien van inligting oor LESERSKRING en die produkte/dienste wat aangebied word.

1.3

Sonder om van die bogenoemde af te wyk, gee LESERSKRING hiermee aan die gebruiker toestemming om na die inhoud van die webwerf, hetsy gedeeltelik of in geheel, te kyk, te kopieer, af te laai na 'n plaaslike skyfaandrywer, uit te druk of te versprei, met die veronderstelling dat:

1.3.1

sodanige inhoud slegs vir inligtings- en/of nie-kommersiële doeleindes gebruik word; en

1.3.2

enige reproduksie van die inhoud van hierdie webwerf, of gedeelte daarvan, die volgende kopieregboodskap moet insluit: ©LESERSKRING 2012. ALLE REGTE VOORBEHOU.

1.4

Gebruikers wat inhoud van hierdie webwerf vir kommersiële doeleindes wil gebruik, mag dit slegs doen met skriftelike toestemming wat vooraf verkry is.

2.

INTELLEKTUELE EIENDOMSREGTE

2.1

Alle inhoud, handelsmerke en data op hierdie webwerf, wat sagteware, databasisse, teks, grafika, ikone, hiperskakels, private inligting en ontwerp insluit, maar nie daartoe beperk is nie, is die eiendom van of is gelisensieer aan LESERSKRING, en word as sodanig teen oortreding en skending beskerm deur plaaslike en internasionale wetgewing en ooreenkomste. Onderworpe aan die regte wat binne bogenoemde wetgewing aan die gebruiker toegeken word, word alle ander regte tot alle intellektuele eiendom op hierdie webwerf uitdruklik voorbehou.

2.2

LESERSKRING kan nie al die inhoud wat op die webwerf beskikbaar is, deurwerk of redigeer nie en aanvaar geen aanspreeklikheid vir onwettige, lasterlike of onwelvoeglike inhoud nie. Jy word aangemoedig om LESERSKRING in te lig oor enige inhoud wat aanstootlik of onwettig is. Dit sluit in kommentaar wat deur ander klante op die webwerf gemaak is en wat aanstootlik mag wees.

3.

LESERSKRING KLUBLIDMAATSKAP

3.1

Iemand wat aansoek gedoen het en wat aanvaar is as 'n Klublid van LESERSKRING ("Klublid") stem in dat hy/sy ten minste een item per kwartaal vanuit die LESERSKRING-Klubkatalogus vir die betrokke kwartaal sal bestel. Hierdie item kan ‘n eBoek, CD, DVD of enigiets anders wees wat nie op promosie/uitverkoping is of deel uitmaak van ons Lid maak Lid-aanbod nie. Indien die Klublid nie teen die sperdatum, soos in die betrokke katalogus genoem, bestel nie, stem hy/sy in om die boek te koop wat die kwartaal se redakteurskeuse verteenwoordig, en hy/sy sal geag word asof hy/sy 'n bestelling daarvoor geplaas het.

3.2

Die lid se lidmaatskap sal vir ‘n aanvanklike periode van 24 maande duur, waarna, tensy dit deur die lid gekanseller word, dit outomaties op ‘n maand-tot-maand basis sal voortduur. Buite die 14 dae afkoel-periode, moet enige kansellasie van Lidmaatskap voorafgegaan word deur 30 kalender dae kennisgewing.

3.3

Klublidmaatskap is aan verdere bepalings en voorwaardes onderworpe, soos in die LESERSKRING Klublidmaatskapooreenkoms uiteengesit.

4.

KLANTE WAT NIE KLUBLEDE IS NIE

4.1

Klante wat nie Klublede is nie kan steeds produkte vanaf die webwerf bestel soos en wanneer hulle verkies. Hulle het geen kwartaallikse koopverpligting nie en geen Redakteurskeuse-boeke word aan hulle gestuur indien hulle versuim om elke kwartaal te bestel nie.

5.

OPENBAARMAKINGS VEREIS DEUR ARTIKEL 43 VAN DIE WET OP ELEKTRONIESE KOMMUNIKASIE EN TRANSAKSIES, NO. 25 VAN 2002 ("EKT-wet")

5.1

Die volle naam en regstatus van die webwerfeienaar is: LESERSKRING, 'n afdeling van Media24 Boeke (Edms) Bpk, registrasienommer 1953/000037/07.

5.2

Die volledige adres van die webwerfeienaar is: 7de vloer, elevenADDERLEY gebou, Adderleystraat 11, Kaapstad, 8001

5.3

Die webadres van hierdie webwerf is: www.leserskring.com

5.4

Lidmaatskap van self-regulerende of akkrediterende liggame: Direct Marketing Association of SA

5.5

Gedragskodes waartoe hierdie webwerf homself verbind: n.v.t.

5.6

Direkteure: E Wessels, JJ Pieterse. sekretaris: LJ Klink

5.7

Straatadres vir die ontvangs van regsdienste:

7de verdieping
elevenADDERLEY gebou
Adderleystraat 11
Kaapstad
8001

5.8

Hoofbesigheid: LESERSKRING is 'n direkte bemarkingsorganisasie wat 'n verbintenismodel gebruik om sy kernproduk, naamlik boeke, te bemark.

5.9

PRYSE

5.9.1

Die koopprys van elke produk word saam met die produk vertoon. Die afslagprys word in geval van 'n uitverkoping of spesiale aanbod vertoon.

5.9.2

Tensy anders aangedui, sluit die aangehaalde pryse BTW in. Dit aangehaalde prys sluit egter aflewerings- en verpakkingskoste uit. Besonderhede van afleweringskoste word in 5.10 hieronder uiteengesit.

5.9.3

Indien 'n bestelling die bedrag van R300.00 oorskry, behou LESERSKRING die reg voor om 'n deposito van een derde van die totale prys te vra voordat die betrokke produk(te) afgelewer word.

5.10

POSGELD EN VERPAKKINGSKOSTE

5.10.1

Landpos word vir die aflewering van goedere in Suid-Afrika en Namibië gebruik. Pos- en hanteringskoste word op die aantal boeke per bestelling gegrond, of op grootte en gewig in geval van Nie-boekitems.

5.10.2

Tariewe vir Suid-Afrika (Insluitend Poskantoor en PostNet, Wes-Kaap en Gauteng):

5.10.2.1

Boeke: 1 item: R19.90; 2 items: R30.50; 3 items: R37.80; 4 items R44.80; meer as 4 items: R48.60; Afhaal van pakkies by Mweb-gebou (Parow) en LESERSKRING se kantore (Kaapstad): R6.50.

5.10.2.2

Tariewe vir nie-boekitems: Tariewe verskil afhangend van grootte en gewig van die pakkie.

5.10.3

Tariewe vir Namibië:

5.10.3.1

Boeke: 1 item: R50.00; 2 items: R59.00; 3 items: R71.00; meer as 3 items: R75.50.

5.10.3.2

Nie-boekitems: Tariewe verskil afhangend van grootte en gewig.

5.10.4

Tariewe vir ander lande in afrika (landpos):

5.10.4.1

Boeke: 1 item: R65.00; 2 items: R82.00; 3 items: R99.00; meer as 3 items: R105.00.

5.10.4.2

Nie-boekitems: Tariewe verskil afhangend van grootte en gewig van die pakkie.

5.10.5

Oorsese lugpos: R210.00

5.10.6

Deur-tot-deur-aflewering (slegs sA lede): R59.00

5.10.7

Spoedpos (slegs SA lede): R49.00

5.10.8

Posgeld vir Redakteurskeuseboeke: Indien 'n lid nie teen die sperdatum bestel nie en die redakteurskeuseboek word aan hom/haar gestuur, word R5 ekstra posgeld gehef.

LET WEL: Die bedrae wat hierbo uiteengesit is, dui op die posgeld en verpakkingskoste wat tans geld. LESERSKRING behou egter die reg om sodanige koste hoogstens een keer per jaar te verhoog.

5.11

BELASTING

5.11.1

Alle gekwoteerde pryse sluit BTW in (tans 14%). 'n Verandering in die BTW-koers sal tot 'n outomatiese prysaanpassing lei.

5.12

BETALINGSMETODES

5.12.1

LESERSKRING bied Klublede die volgende betaalmetodes:

5.12.1.1

By Checkers, Shoprite en Spar:
Jy kan jou Klubrekening by enige tak van Checkers, Shoprite (RSA en Namibië) en SPAR (RSA) BETAAL. Neem net jou faktuur of rekeningstaat saam sodat die staafkode geskandeer kan word.

5.12.1.2

Deur 'n MasterCard- of Visa-kredietkaart:
Indien jy die kaarthouer op die betalingsadvies is wat by jou faktuur aangeheg is, vul die kredietkaartnommer en die vervaldatum in en voeg jou handtekening by, en pos of faks dit aan LESERSKRING.

5.12.1.3

Deur 'n elektroniese betaling via 'n OTM of die internet:
Maak asseblief seker dat jou bank jou betaling aan jou Lidmaatskapnommer en die volgende bankrekening koppel: Lede van RSA: ABSA se Rekeningnommer: 0550 153 246; takkode: 632005.  Lede van Namibië: Bank Windhoek se Rekeningnommer: 8001 091 457; takkode: 481972.

5.12.1.4

By enige tak van ABSA Bank:
Vul die depositostrokie by jou bank in. RSA lede: Bankrekeningnommer: 0550 153 246; takkode: 632005. Dui altyd jou lidmaatskapnommer as verwysingsnommer op die depositostrokie aan.

5.12.1.5

By enige tak van Bank Windhoek:
Vul die depositostrokie by jou bank in. Namibiese lede: Bankrekeningnommer: 8001 091 457; takkode 481972. Dui altyd jou lidmaatskapnommer as verwysingsnommer op die depositostrokie aan.

5.12.1.6

By jou naaste Poskantoor:
Jy kan kontant of per tjek by jou plaaslike poskantoor betaal. Tjeks moet aan die Posmeester betaalbaar wees. Hou jou kwitansie as bewys van betaling.

5.12.1.7

Deur tjek of posorder.
Tjeks moet asseblief gekruis en aan LESERSKRING betaalbaar gemaak word. Skryf jou lidmaatskapnommer op die agterkant en sluit jou betalingsadvies by jou betaling in.

5.12.2

LESERSKRING bied die volgende betaalmetodes aan nie-Klublede:

5.12.2.1

Deur MasterCard- of Visa-kredietkaart:

5.12.2.2

By enige tak van aBSA Bank en deur elektroniese betaling via 'n OTM of die internet.
Jy kan 'n depositostrokie by enige tak van aBSA Bank invul of 'n elektroniese betaling via 'n OTM of die internet maak. Maak egter seker dat jou bank jou betaling aan jou ID-nommer en die volgende bankrekening koppel:

• RSA-lede: ABSA Bank: Rekeningnommer: 0550 153 246; Takkode: 632005.

• Namibiese lede: Bank Windhoek: Rekeningnommer: 8001 091 457; takkode 481972. Gebruik altyd jou ID-nommer as verwysingsnommer op die depositostrokie.

5.12.3

Betalingsekuriteit: Alle kredietkaarttransaksies word met Secure Socket Layers-enkodering beveilig. Die maatskappy se registrasiedokumente en die webwerf se geregistreerde domeinnaam word deur Verisign gekontroleer en geverifieer.

5.13

REKORD VAN TRANSAKSIES

5.13.1

Lede ontvang 'n faktuur per pos. Fakture (met 'n 48-uur vertraging) kan op LESERSKRING se webwerf gesien word.

6.

BESTELLINGS OP DIE WEBWERF

6.1

Die plasing van 'n item in 'n inkopiemandjie of byvoeging daarvan op 'n wenslys sonder om die koopsiklus te voltooi, sal Nie:

6.1.1

enige bestelling van produkte of verkoopooreenkoms uitmaak of aanleiding daartoe gee nie, en as sodanig mag Leserskring enige sodanige produk uit die mandjie of wenslys verwyder indien vooraad onbeskikbaar word, en gebruikers kan nie vir LESERSKRING verantwoordelik hou indien sodanige items nie beskikbaar is wanneer die koopsiklus wel later voltooi word nie.

6.2

LESERSKRING behou die reg voor om, vir die doeleindes van die voorkoming van vermeende bedrog en met kennisgewing aan jou, te weier om betaling vir 'n bestelling te aanvaar en/of te verwerk, en/of om enige verkoopstransaksie in geheel of gedeeltelik te kanselleer. LESERSKRING is slegs aanspreeklik vir die terugbetaling van gelde wat reeds deur die gebruiker betaal is en aanvaar geen ander aanspreeklikheid wat mag spruit uit sodanige weiering om enige bestelling/verkope te verwerk nie.

6.3

Aflewering: Indien 'n produk nie binne die tydperk, wat gespesifiseer kan word, afgelewer is nie, of indien geen tydperk gespesifiseer is nie binne 30 dae afgelewer is nie, kan jy sodanige bestelling kanselleer met 7 dae se kennisgewing aan LESERSKRING en jou geld terugkry.

6.4

Afkoeltydperk: Indien jou aankope via die webwerf doen, behalwe in die geval van sekere uitsonderings en onderworpe aan sekere koste, laat die EKT-wet jou toe om sodanige verkoopstransaksie binne 7 dae na die aflewering van die produk aan jou te kanselleer en om 'n terugbetaling van die volle aankoopprys te verkry. Let egter daarop dat hierdie reg nie op onder meer die volgende goedere en/of dienste van toepassing is nie:

6.4.1

waar die seël van oudio- of video-opnames (d.w.s. DVD's of CD's) of rekenaarsagteware deur die verbruiker gebreek is.

6.4.2

die verkope van koerante, vaktydskrifte, boeke en tydskrifte;

6.5

Deur die webwerf te gebruik of elektronies met LESERSKRING te kommunikeer, stem die gebruiker in en erken die gebruiker dat enige en alle ooreenkomste, kennisgewings, openbaarmakings, of enige ander kommunikasie aan enige wetlike voorwaardes voldoen. Dit sluit in dat, maar is Nie beperk nie tot die voorwaarde dat sodanige kommunikasie in 'n "geskrewe" vorm moet wees.

7.

VERANDERINGS EN WYSIGINGS

7.1

Veranderinge aan die webwerf se inhoud: LESERSKRING behou uitdruklik die reg voor om geheel na eie en absolute goeddunke en sonder vooraf-kennisgewing die aantal produkte en/of dienste op die webwerf van tyd tot tyd te vermeerder of te verminder.

7.2

Veranderinge aan pryse: LESERSKRING behou die reg voor om sonder enige kennisgewing die pryse en tariewe wat op hierdie webwerf gekwoteer word, te verander en te wysig (dit word duidelikheidshalwe genoem dat LESERSKRING nie daarop geregtig is om die pryse te verander wat van toepassing is op enige produkte wat reeds deur 'n klant bestel is nie).

7.3

Veranderinge aan Bepalings en Voorwaardes: LESERSKRING kan hierdie bepalings en voorwaardes enige tyd verander. Geregistreerde klante, insluitend Klublede, sal van sodanige wysigings in kennis gestel word en hulle moet seker maak dat hulle dit lees en dat hulle met die gewysigde bepalings en voorwaardes tevrede is. Indien dit nie moontlik is nie, is hulle daarop geregtig om hul registrasie of Klublidmaatskap te beëindig, wat die geval ook al mag wees.

7.4

Gebruikers onderneem om die LESERSKRING-webwerf gereeld te besoek en om hulself te vergewis van die veranderings en/of wysigings van die inligting wat op die webwerf verskaf word.

7.5

Let daarop dat hoewel LESERSKRING daarna streef om elke produk op die webwerf akkuraat te beskryf en/of uit te beeld, sommige beskrywings of foto's van 'n generiese aard mag wees en nie spesifiek gerig is op die besondere produk wat jy wil koop nie. LESERSKRING sal alles doen wat redelik binne sy vermoë is om pryse en aflewerkoste akkuraat aan te dui. Indien produkte egter foutiewelik teen die verkeerde pryse en/of aflewerkoste aangebied word, sal LESERSKRING nie verplig wees om die produkte teen sodanige foutiewe pryse en/of aflewerkoste te verkoop nie, maar sal enige gelde wat deur jou betaal is aan jou terugbetaal indien jy verkies om nie voort te gaan met die kooptransaksie teen die korrekte prys en/of aflewerkoste nie. Indien jou om watter rede ook al ontevrede is met die produk wat jy ontvang het, is jy daarop geregtig om die produk binne 14 dae ná aflewering aan LESERSKRING terug te stuur vir 'n volle terugbetaling van jou geld. Sien asseblief ons Terugbetalingsbeleid in hierdie verband (wat verduidelik hoe en wanneer jy terugbetaal kan word, en ook hoe terugbetalings gedoen word).

8.

PRIVAATHEIDSBELEID

8.1

LESERSKRING sal alle redelike stappe neem om jou persoonlike inligting te beskerm. Vir die doel van hierdie klousure sal "persoonlike inligting" gedefinieer word soos uiteengesit in die Wet op die Bevordering van Toegang tot Inligting, Wet 2 van 2000 (PAIA - Promotion of Access to Information Act). Jy kan ook kies om geen kommunikasie van LESERSKRING en/of vennote of filiaalmaatskappye te ontvang nie.

LESERSKRING beskerm die privaatheid van die gebruiker:

8.1.1

Geen persoonlike inligting sal aan derde party geopenbaar word sonder die gebruiker se toestemming of 'n behoorlike proses nie.

8.2

LESERSKRING samel die volgende private en persoonlike inligting in en sal in besit wees daarvan:

8.2.1

Inligting wat vrywillig deur die gebruiker verskaf word – hierdie inligting word gebruik om beter diens aan gebruikers te verskaf;

8.2.2

Inligting wat outomaties verskaf word (bv. cookies) – hierdie inligting word ingesamel om jou soektogte op en interaksie met LESERSKRING se webwerf te verbeter. Cookies kan nie jou rekenaar beskadig of virusse oordra nie; en

8.3

Deur die webwerf te gebruik, stem die gebruiker tot die volgende in:

8.3.1

LESERSKRING mag jou persoonlike inligting gebruik om van tyd tot tyd met die gebruiker te kommunikeer. Gebruikers kan aandui indien hulle nie sodanige kommunikasie wil ontvang nie; en

8.3.2

LESERSKRING mag die gebruiker se inligting vir nie-persoonlike statistiese doeleindes gebruik.

8.3.3

LESERSKRING behou die reg op kopiereg van persoonlike inligting van gebruikers in databasisse.

9.

SKAKELING EN RAMING

9.1

Enige persoon, onderneming, entiteit of webwerf word uitdruklik verbied om 'n skakel na enige bladsy op hierdie webwerf, insluitend die tuisblad, op te stel sonder dat LESERSKRING vooraf skriftelike toestemming verleen het.

9.2

Enige persoon, onderneming, entiteit of webwerf word uitdruklik verbied om enige bladsy, insluitend die tuisblad, van hierdie webwerf op enige manier te raam sonder dat LESERSKRING vooraf skriftelike toestemming verleen het.

10.

OOREENKOMSTE KRAGTENS ARTIKEL 21 VAN DIE WET OP ELEKTRONIESE KOMMUNIKASIE EN TRANSAKSIES

10.1

Geen inligting of data op hierdie webwerf is 'n aanbod nie, maar slegs 'n uitnodiging om sake te doen.

10.2

Geen ooreenkomste word aangegaan deur slegs 'n databoodskap na hierdie webwerf of sy eienaars te stuur nie. Geldige ooreenkomste vereis 'n erkenning van ontvangs vanaf hierdie webwerf.

11.

SOEKTEGNOLOGIE

11.1

Die gebruik van nie-kwaadwillige soektegnologie, soos web crawlers of web spiders om inligting te soek en in te win, word nie toegelaat nie indien sodanige tegnologie die webwerf se webbediener stadiger maak of tot kopieregoortredings  sal lei van enige data of inligting wat op hierdie webwerf beskikbaar is. Data en inligting kan slegs ter voldoening aan afdeling 5 tot Afdeling 8 hiervan gebruik word.

12.

SKAKELING MET DERDEPARTY-WEBWERWE

12.1

LESERSKRING kan skakels vir gebruikers verskaf vir die gerief daarvan. Die insluiting van enige skakel beteken nie dat LESERSKRING die webwerf goedkeur nie.

12.2

Webwerwe of webbladsye met skakels na lESERSKRING se webwerf is nie aan LESERSKRING se beheer onderworpe nie. LESERSKRING sal nie regstreeks of onregstreeks op enige wyse verantwoordelik of aanspreeklik gehou word vir die inhoud, gebruik of onvermoë om enige gekoppelde webwerf of enige skakels in die gekoppelde webwerf te gebruik of om toegang daartoe te verkry nie.

13.

VEILIGHEID VAN INLIGTING

13.1

Alle redelike maatreëls sal getref word om seker te maak dat 'n gebruiker se inligting veilig is.

13.2

Gebruikers onderneem om nie hul gebruikersnaam of toegangswoord aan enige ander persoon bekend te maak nie.

13.3

Enige persoon, onderneming of entiteit word uitdruklik verbied om ongemagtigde toegang tot enige blad op hierdie webwerf te verkry of te probeer verkry, of om enige ongemagtigde, nadelige of skadelike kodes op hierdie webwerf af te laai of te probeer aflaai. Enige persoon wat ongemagtigde, nadelige of skadelike kodes op hierdie webwerf aflaai of probeer aflaai, sal krimineel aanspreeklik gehou word, en in die geval waar LESERSKRING enige verliese of skade ly, sal siviele skadevergoeding geëis word.

14.

VRYWARING

14.1

Onderworpe aan die bepalings van die Wet op die Beskerming van Verbruikers, Nr 68 van 2008 ("CPA"), en Artikels 43(5) en 43(6) van die Wet op Elektroniese Kommunikasie en Transaksies is LESERSKRING nie verantwoordelik vir enige verlies, skade of aanspreeklikheid van enige aard wat spruit uit die gebruik van hierdie webwerf of die dienste of inhoud wat op of deur die webwerf verskaf word of die onvermoë om dit te gebruik nie. Daarby maak LESERSKRING geen voorstellings of waarborge, implisiet of anders, dat die inhoud en tegnologie op hierdie webwerf, foutloos of sonder weglatings is nie of dat die diens 100% ononderbreekbaar en foutloos is nie. Daarby bied LESERSKRING geen voorstelling of waarborge, geïmpliseer of andersins, dat onder meer die inhoud en tegnologie wat op hierdie webwerf beskikbaar is sonder foute of weglatings is nie of dat die diens 100% ononderbroke en foutloos is nie.

14.2

Hoewel die produkte wat deur die webwerf te koop is onder waarborg mag wees, word hierdie webwerf self op 'n voetstootsbasis aangebied en is dit nie saamgestel of word dit nie verskaf om aan die gebruiker se individuele vereistes te voldoen nie. Dit is dus die gebruikers se verantwoordelikheid om seker te maak dat die diens wat van en deur hierdie webwerf beskikbaar is aan hul individuele vereistes voldoen en met hul hardeware en/of sagteware versoenbaar is voordat hulle hierdie ooreenkoms met LESERSKRING aangaan.

14.3

Inligting, idees en menings wat op die webwerf uitgespreek word, moet nie as professionele raad of die amptelike mening van LESERSKRING aanvaar word nie, en gebruikers word aangemoedig om professionele raad te kry voordat hulle tot enige aksies oorgaan wat op die inligting, idees en menings van hierdie webwerf gegrond is.

15.

SKEIBAARHEID

15.1

Hierdie Bepalings en Voorwaardes van gebruik vorm die volledige ooreenkoms tussen LESERSKRING en jou as die gebruiker van hierdie webwerf. Enige versuim deur LESERSKRING om enige reg of bepaling van hierdie Bepalings en Voorwaardes van Gebruik uit te oefen of af te dwing, sal onder geen omstandighede kwytskelding van sodanige reg of bepaling beteken nie.

15.2

In geval enige bepaling of voorwaarde vir die gebruik van hierdie webwerf om watter rede ook al nie ten volle afdwingbaar of geldig is nie, sal sodanige bepaling(s) of voorwaarde(s) van die oorblywende bepalings en voorwaardes skeibaar wees. Die oorblywende bepalings en voorwaardes sal nie deur sodanige onafdwingbaarheid of ongeldigheid beïnvloed word nie en sal steeds afdwingbaar en toepaslik wees.

16.

TOEPASLIKE EN HEERSENDE WETGEWING

16.1

Hierdie webwerf word, onderworpe aan klousule 16, vanuit die Republiek van Suid-Afrika aangebied ("hosted"), beheer en bedryf, en daarom bepaal die Suid-Afrikaanse reg die gebruik van hierdie webwerf of die onvermoë om dit te gebruik en ook hierdie bepalings en voorwaardes.

17.

GESKILLE

17.1

In geval van enige geskil van watter aard ook al wat tussen die partye ontstaan ten opsigte van enige aangeleentheid waarvoor hierdie ooreenkoms voorsiening maak of wat uit hierdie ooreenkoms spruit, en wat nie deur die Klanteverhoudingsafdeling van LESERSKRING opgelos kan word nie, sal sodanige geskil vir vertroulike arbitrasie voorgelê word ooreenkomstig die bevorderende reëls van die Arbitrasiestigting van suid-Afrika.

18.

KONTAKINLIGTING / DOMICILIUM CITANDI ET EXECUTANDI

18.1

Indien jy enige vrae of navrae het of toestemming wil vra om enige deel van hierdie webwerf te gebruik, insluitend deur skakeling, raming of die soekfasiliteit, kontak ons asseblief by:

7de verdieping
elevenADDERLEY gebou
Adderleystraat 11
Kaapstad
8001

Kontaksentrum se telefoonnommers: 021 469 7575 of 083 915 6060  
Faksnommer: 021 469 7576

1.

REGTENS BINDENDE KONTRAK

1.1

Hierdie LESERSKRING Klublidmaatskapooreenkoms ("Ooreenkoms") is 'n ooreenkoms tussen LESERSKRING, 'n afdeling van Lux Verbi BM (Mty) Bpk, registrasienommer 1953/000037/07 ("LK") en enigeen wie se aansoek om LESERSKRING-Klublidmaatskap deur LK aanvaar word ("Lid" of "u").

1.2

Hierdie Ooreenkoms bepaal jou lidmaatskap van LESERSKRING-Klub ("Klub") wat deur LK besit en bedryf word. Sodanige lidmaatskap maak jou daarop geregtig om 'n wye verskeidenheid van boeke en ander produkte teen afslagpryse te koop deur dit vanaf LK te bestel vir aflewering by jou gekose adres, maar in ruil daarvoor (en om dit vir LK moontlik te maak om sodanige afslagpryse aan sy lede aan te bied) word verpligtinge op jou geplaas om minimum kwartaallikse maak vir die algehele durasie van jou Lidmaatskap.

1.3

Maak asseblief seker dat jy al die bepalings van hierdie Ooreenkoms noukeurig lees. Indien jy nie met enige bepaling van die Ooreenkoms saamstem nie, moet jy nie voortgaan om vir lidmaatskap van LESERSKRING aansoek te doen nie. Wanneer jy aansoek doen om lidmaatskap van LESERSKRING erken jy dat jy hierdie Ooreenkoms gelees het en met die bepalings en voorwaardes daarin saamstem.

2.

KWALIFIKASIE VIR LIDMAATSKAP

2.1

Om te kwalifiseer om by die Klub aan te sluit, moet jy 18 jaar of ouer en 'n inwoner in Suid-Afrika of Namibië wees.

2.2

LK is daarop geregtig om geheel na eie goeddunke enige aansoek om lidmaatskap te aanvaar of te weier gegrond op sy standaardmaatstawwe vir Klublidmaatskap, wat kredietwaardigheid insluit. Om jou kredietwaardigheid te bepaal, stem jy in dat LK 'n gelisensieerde kredietkeuringsagentskap mag raadpleeg.

3.

TYDSDUUR

3.1

Hierdie Ooreenkoms, en dus jou Klublidmaatskap, tree in werking sodra jou aansoek om lidmaatskap aanvaar is.

3.2

Intreedatum: Jou intreedatum is die datum waarop jou amptelik as 'n leserskringlid geregistreer is en dit dui die kwartaal aan waarin jou eerste item moet bestel om jou kwartaallikse verpligting na te kom.

3.3

Tydsduur: Onderworpe aan vroeë beëindiging kragtens 12 hieronder, duur hierdie Ooreenkoms vanaf die Intreedatum, vir 'n aanvanklike vasgestelde periode van 24 maande, waarna dit outomaties op 'n kwartaal-tot-kwartaal grondslag voortduur (wat beteken dat of jy of LK daarop geregtig is om dit te eniger tyd met skriftelike kennisgewing van 30 dae te beëindig) tensy dit volgens ooreenkoms tussen jou en LK hernu word.

4.

BEKENDSTELLINGSAANBIEDINGE

Tot die mate wat LK 'n spesiale bekendstellingsaanbod aan jou maak wanneer jy om Klublidmaatskap aansoek doen (hetsy vir afslag- of gratis boeke of ander produkte), neem asseblief kennis dat die afslag of voordeel wat aangebied word aan jou toegestaan word op grond van jou kwartaal-tot-kwartaal lidmaatskapverbintenis wat kragtens die bepalings in hierdie ooreenkoms uiteengesit is. Indien u gevolglik enige sodanige aanbod aanvaar het en u lidmaatskap word vroeg beëindig (d.i. voor die verstryking van sodanige Aanvanklike Tydperk), behou LK die reg voor om 'n redelike kansellasieboete op te lê met inagneming van die voordele/afslag wat u reeds ontvang het.

5.

KWARTAALLIKSE BOEKKLUB-KATALOGUSSE EN BESKIKBAARHEID VAN VOORRAAD

5.1

As lid kan jy afslagprodukte koop soos aangebied in LK se "Klubkatalogus" ("Katalogus") wat elke 3 maande vir die tydperk van Januarie tot maart, April tot Junie, Julie tot September en Oktober tot Desember (elkeen van die voorgaande word hierna verwys as 'n "Kwartaal") gepubliseer word.

5.2

Sodanige Kwartaallikse Katalogus is op die webwerf by www.leserskring.com ("Webwerf") beskikbaar, maar dit word ook aan jou gepos.

5.3

Die items wat in die Katalogus of in enige ander promosiemateriaal of katalogusse aangebied word en wat jy as 'n lid van lK ontvang, is aan beskikbaarheid onderworpe en word gewoonlik vir 'n beperkte tydperk aangebied. LK neem redelike stappe om te verseker dat die aanbiedinge gestaak word wanneer voorraad nie meer beskikbaar is nie. Indien dit egter vir LK onmoontlik is om enige bestelling wat geplaas is te vervul as gevolg van voorraad wat uitverkoop is, sal LK jou daarvan in kennis stel en sal jy geregtig wees op 'n terugbetaling van die bedrag wat deur jou vir sodanige produk betaal is.

6.

VERPLIGTING OM GEREELD BOEKE TE bESTEL

6.1

Minimum bestellings: Jy stem in om ten minste een boek, eBoek, CD, DVD of enige ander item wat nie op promosie/ uitverkoping is of deel uitmaak van die Lid maak Lid-aanbod, elke Kwartaal (d.i. elke 3 maande) vanuit die betrokke Klubkatalogus te bestel.

6.2

Sperdatum vir bestellings: Daar word van Klublede vereis om die item boek, eBoek, CD, DVD of enige ander item wat nie op promosie/ uitverkoping is of deel uitmaak van die Lid maak Lid-aanbod, van hul keuse voor die Kwartaallikse sperdatum, wat prominent in die betrokke Kwartaallikse klubkatalogus voorkom, te bestel. Die volgende sperdatums is vir die vier kwartale van toepassing

• 1ste Kwartaal (Januarie – Maart): 25 Februarie
• 2de Kwartaal (April – Junie): 24 Mei
• 3de Kwartaal (Julie – September): 25 Augustus
• 4de Kwartaal: (Oktober – Desember): 10 November

indien jy versuim om voor die betrokke kwartaal se sperdatum vanuit die Katalogus te bestel, kom jy ooreen om die redakteurskeuse (synde 'n boek wat spesifiek vir die Kwartaal deur LK se Boekkeuringspaneel vir sy besondere interessantheid en gewildheid uitgekies is) te koop, welke boek prominent in die betrokke Klubkatalogus aangetoon word. Indien jy gevolglik sou versuim om 'n bestelling teen die Sperdatum te plaas, word daar geag dat jy die Redakteurskeuse bestel het. Jy ontvang outomaties 'n rekening vir die Redakteurskeuseboek en die boek word by jou afgelewer.

6.3

Let asseblief daarop dat ofskoon LK ook van tyd tot tyd ander katalogusse of spesiale aanbiedinge mag publiseer of aan jou mag stuur ("Ander aanbiedinge/Katalogusse") –

6.3.1

jy nie verplig word om enigiets uit sodanige ander Aanbiedinge/Katalogusse te bestel nie

7.

BEDRAE DEUR jou BETAALBAAR

7.1

Kooppryse:

7.1.1

Wanneer daar na die prys van produkte in die Katalogus of ander promosiemateriaal verwys word, (a) is die "Voorgestelde Verkoopprys" of "VVP" die prys wat deur die uitgewer aanbeveel word en wat in die meeste boekwinkels of ander kleinhandelaars betaalbaar is; en (b) is die "Klubprys" die prys waarteen 'n produk elke Kwartaal in die katalogus aangebied word en wat tot 30% minder as die VVP mag wees.

7.1.2

Die prys van 'n boek in die welkomaanbod is 'n eenmalige spesiale afgemerkte prys wat LK aan 'n lid aanbied wanneer hy of sy aansluit. Dit is altyd laer as die Klubprys en die VVP.

7.1.3

Die pryse van produkte buiten die boeke wat in die Katalogus en ander promosies voorkom, word ook na verwys as die "Klubprys".

7.1.4

Die prys word saam met die item se bestelnommer vertoon. In geval van 'n uitverkoping of spesiale aanbieding, word die uitverkopings- of afgemerkte prys vertoon.

7.2

Posgeld en verpakkingskoste:

• pryse sluit posgeld en verpakkingskoste uit. Daar word van die lid verwag om posgeld en verpakkingskoste te betaal, soos hieronder uiteengesit
• landpos word vir die aflewering van goedere in Suid-Afrika en Namibië gebruik. Pos-en hanteringskoste word op die aantal boeke per bestelling gegrond, of in die geval van nie-boek produkte op die grootte en gewig van die pakkie

Tariewe vir Suid-Afrika (Insluitend Poskantoor en PostNet, Wes-Kaap):

• boeke: 1 item: R19.90; 2 items: R30.50; 3 items: R37.80; 4 items: R44.80; meer as 4 items: R48.60; afhaal van pakkies by Mweb-gebou (Parow) en LESERSKRING se kantore (Kaapstad): R6.50
• koste vir nie-boekprodukte: Koste kan verskil, en sal van die grootte en gewig van die pakkie afhang

Tariewe vir Namibië:

• boeke: 1 item: R50.00; 2 items: R59.00; 3 items: R71.00; meer as 3 items R75.50
• Nie-boekprodukte: Koste kan verskil, en sal van die grootte en gewig van die pakkie afhang

Tariewe vir ander lande in afrika (landpos):

• boeke: 1 item: R65.00; 2 items: R82.00; 3 items: R99.00; meer as 3 items: R105.00
• Nie-boekprodukte: Koste kan verskil, en sal van die grootte en gewig van die pakkie afhang

Oorsese lugpos: R210.00
Deur-tot-deur-aflewering (slegs sA lede): R59.00
Spoedpos (slegs SA lede): R49.00

Posgeld vir Redakteurskeuseboek: Indien 'n lid nie 'n item teen die sperdatum bestel nie, stem hy/sy in om die kwartaal se Redakteurskeuseboek te koop en R5 ekstra posgeld te betaal.
LET ASSEBLIEF daarop dat die bedrae wat hierbo uiteengesit is die koste weergee wat tans geld, maar dat LK die reg voorbehou om sodanige koste hoogstens een maal per jaar te verhoog.

7.3

Belasting op Toegevoegde Waarde (BTW): Die pryse wat aangetoon word, sluit bTW in (tans 14%). 'n Verandering in die BTW-koers sal outomaties tot 'n prysaanpassing lei.

8.

BETALING

8.1

Datum vir betaling: Rekening is 30 dae na die datum op die faktuur betaalbaar.

8.2

Metodes vir betaling: JY kan op enige van die volgende maniere betaal:

8.2.1

By Checkers, Shoprite en Spar:
Jy kan jou Klubrekening by enige tak van Checkers, Shoprite (RSA en Namibië) en SPAR (RSA) betaal. Neem net jou faktuur of rekeningstaat saam sodat die staafkode geskandeer kan word.

8.2.2

Met 'n MasterCard- of Visa-kredietkaart:
Verskaf jou kredietkaartnommer, die verstrykingsdatum en jou handtekening indien jy die kaarthouer is op die betalingsadvies wat by jou faktuur aangeheg is, en pos of faks dit aan LK.

8.2.3

Deur elektroniese betaling via 'n oTM of die internet:
Maak asseblief seker dat jou bank jou betaling aan jou Lidmaatskapnommer en die volgende bankrekening koppel: Lede in RSA: ABSA se rekeningnommer: 0550 153 246; takkode: 632005. Lede in Namibië: Bank Windhoek se rekeningnommer: 8001 091 457; takkode: 481972.

8.2.4

By enige tak van ABSA Bank:
Vul die betaalstrokie by jou bank in. Lede in RSA: Bankrekeningnommer: 0550 153 246; takkode 632005. Dui altyd jou lidmaatskapnommer as verwysingsnommer op die depositostrokie aan.

8.2.5

By enige tak van Bank Windhoek:
Vul die betaalstrokie by jou bank in. Namibiese Lede: Bankrekeningnommer: 8001 091 457; takkode: 481972. Dui altyd jou lidmaatskapnommer as verwysingsnommer op die depositostrokie aan.

8.2.6

By jou naaste Poskantoor:
Jy kan kontant of per tjek by jou plaaslike poskantoor betaal. Tjeks moet aan die Posmeester betaalbaar wees. Hou jou kwitansie as bewys van betaling.

8.2.7

Deur tjek of posorder:
Tjeks moet asseblief gekruis en aan lESERSKRING betaalbaar gemaak word. Skryf jou lidmaatskapnommer op die agterkant en sluit jou betalingsadvies by jou betaling in.

8.3

Betalingsverstek: Indien jy versuim om enige bedrag te betaal wat op die betaaldag verskuldig is, is LK sonder benadeling van regte kragtens hierdie ooreenkoms of regtens daarop geregtig om rente op die verskuldigde bedrae te hef teen die primakoers plus 2% totdat die bedrae ten volle betaal is. Indien jy voortgaan om te versuim om enige verskuldigde bedrag te betaal ten spyte daarvan dat LK aan jou meer as een aanmaning gestuur het om sodanige bedrag te betaal, kan jou besonderhede aan 'n skuldinvorderingsagentskap oorhandig word om die verskuldigde bedrag in te vorder en kan jou aanspreeklik gehou word vir enige verdere koste wat aangegaan word in 'n poging om jou verpligting om te betaal af te dwing.

9.

AFLEWERING

9.1

Afleweringsadres: Tensy jy ander afleweringsreëlings met LK tref, word bestellings afgelewer aan die poskantoor (onderskeidelik die Suid-Afrikaanse poskantoor of NamPost) wat die naaste is aan die afleweringsadres wat LK vir jou op rekord het. Indien jou adres verander, moet jy LK onmiddellik skriftelik daarvan in kennis stel om aflewering aan 'n foutiewe adres te voorkom. LK sal nie aanspreeklik wees vir aflewering aan jou ou adres indien jy nie LK van jou nuwe adres in kennis gestel het nie.

9.2

Afleweringstyd: LK sal die produkte wat deur jou bestel is binne sowat 20 werkdae vanaf ontvangs van jou bestelling.
Spoedpos (RSA) neem sowat 5 dae vandat jy die bestelling plaas.
Koerier (RSA) neem sowat 6 dae vir die hoofstreke, 8 dae vir streekgebiede en 10 dae vir plattelandse en verafgeleë gebiede.

9.3

Uit-voorraad situasies: Indien enige item(s) wat jy bestel het tydelik uit voorraad is en dit daartoe lei dat dit vir LK onmoontlik is om dit betyds aan jou te lewer, sal LK jou daarvan in kennis stel. JY sal dan daarop geregtig om vir die volgende besending te wag (sonder dat dit nodig is om weer te bestel) of om sodanige bestelling te kanselleer en 'n terugbetaling te verkry (indien jy reeds betaal het). Indien die item permanent uit voorraad is, word jou bestelling gekanselleer en indien jy reeds betaal het, kan jy 'n terugbetaling kry of vra dat jou rekening gekrediteer word en dat die krediet vir jou volgende bestelling aangewend word, of jy kan 'n alternatiewe item bestel.

10.

TERUGBETALINGSBELEID

10.1

Algemene reg om goedere terug te stuur: Indien jy om welke rede ook al nie ten volle tevrede is met die produk wat aan jou gelewer is nie, is jy as 'n Klublid daarop geregtig om sodanige produk terug te besorg vir 'n vervangingsproduk of 'n volle terugbetaling (waar  reeds betaal het), op voorwaarde dat:

10.1.1

Jy die produk terugbesorg binne 14 dae Nadat dit aan jou gelewer is;

10.1.2

Die produk onbeskadig, ongebruik en in die oorspronklike verpakking is;

10.1.3

JY steeds aanspreeklik is vir die koste van terugbesorging van sodanige produk aan LK; en

10.1.4

Enige sodanige terugbesorging nie afbreuk doen aan jou verpligting om ten minste een produk per Kwartaal vanuit die betrokke Katalogus te bestel en te hou nie.

10.2

Foutiewe, beskadigde en onvanpaste produkte: Indien enige produk wat jy ontvang defektief, beskadig of onvanpas is vir die doel waarvoor dit Normaalweg bedoel is (d.i. die produk het 'n 'Probleem'), is jy daarop geregtig een van die volgende opsies te kies: dat jy die produk terugbesorg (op LK se onkoste) vir 'n volle terugbetaling of vir vervanging/herstel OP VOORWAARDE dat die Problematiese produk binne 6 maande vanaf aflewering daarvan aan jou terugbesorg word. Let asseblief in dié verband daarop dat:

10.2.1

'n 'defek' nie iets is wat uit normale slytasie voorspruit nie;

10.2.2

'beskadig' beteken dat die produk beskadig moet wees wanneer jy dit ontvang en dat dit nie deur jou of enigiemand anders wat dit ontvang het beskadig is nie;

10.2.3

'n boek nie 'onvanpas' is gegrond op die aard van die inhoud nie of omdat jy die boek geniet het of nie geniet het nie; en

10.2.4

LK of LK se verskaffer die terugbesorgde produk sal ondersoek om vas te stel of die beweerde Probleem inderdaad geregverdig is of nie. Indien die Probleem nie geregverdig is nie, sal jy aanspreeklik wees vir die onkoste van terugbesorging aan LK vir inspeksie en heraflewering aan jou. Ons moedig jou dus aan om enige Probleme wat jy ontdek stiptelik nadat jy dit ontdek het aan ons te rapporteer.

11.

SPESIALE PROMOSIEAANBIEDINGE EN KOMPETISIES

11.1

Algemeen: LK kan van tyd tot tyd 'n verskeidenheid van promosieaanbiedinge en/of kompetisies onderneem wat alle, of sekere, Klublede geregtig is om aan deel te neem. In hierdie verband erken en kom jy ooreen dat:

11.1.1

As gevolg van die kostebesparings wat met die aanbied van promosie-aktiwiteite via die internet gepaard gaan in plaas van via die pos of ander mediums, kan sekere promosies/kompetisies alleenlik deur die webwerf en/of e-pos onderneem word, en dus slegs aan daardie lede wat ons webwerf besoek of wat LK van 'n e-posadres voorsien het, bemark word;

11.1.2

die Klub verskil van en afsonderlik is van die 'Leisure Books' klub ('n soortgelyke klub wat op Engelssprekende mense gemik is) en gevolglik is promosies/kompetisies of produkte wat aan 'Leisure books' klublede aangebied word nie op die Klub van toepassing nie en is jy nie uit hoofde van jou lidmaatskap tot die Klub daartoe geregtig nie;

11.2

Bonusboeke: 'n Aantal boeke in elke Klubkatalogus word as "Bonusboeke" gemerk. Hierdie boeke word teen ekstra afslag bo en behalwe die gewone Klub-afslae op die VVP aangebied. Hierdie bykomende afslag word as 'n voordeel aangebied aan lede wat vir 24 maande of meer in die Klub is en wat reeds een ander item uit die Klubkatalogus bestel het. Dit is LK se manier om aan langjarige lede dankie te sê.

11.3

Kompetisies: Lede kan kies om aan enige van die gelukstrekking- kompetisies deel te neem wat in die Katalogusse of op die webwerf of as deel van enige ander promosie-aanbieding gepubliseer word. Die spesifieke inskrywingsvereistes en bepalings en voorwaardes van die kompetisie word saam met die kompetisiebesonderhede verskaf.

12.

BEËINDIGING

12.1

Jou beperkte reg om vroeër te beëindig: Jy is geregtig om hierdie Ooreenkoms, en dus jouKlub lidmaatskap, by skriftelike kennisgewing aan LK te beeïndig MET DIEN VERSTANDE DAT jy enige produkte wat jy alreeds vanaf LK uit hoofde van hierdie Ooreenkoms ontvang het terugbesorg (insluitend die bekendstellingsaanbod produkte, indien van toepassing) ongebruik, onbeskadig en in die oorspronklike verpakking, binne 14 dae nadat jy aflewering daarvan ontvang ("Vroeëre Beëindigingsperiode"). Let daarop dat jy vir die koste van terugbesorging van sodanige produkte aanspreeklik sal wees. Onderhewig aan die Vroeëre Beëindigingsperiode, verbind jy uself tot die 24 maande Aanvanklike Periode en gevolglik, indien jy verlang om, vir enige rede, die Ooreenkoms na die Vroeëre Beëindigingsperiode maar voor die verstryking van die Aanvanklike Periode te beëindig, mag jy aanspreeklik wees om 'n redelike kansellasieboete/s te betaal.

12.2

Beëindiging vir verbreking: Indien jy of LK ("versuimende party") versuim om aan enige verpligtinge kragtens hierdie Ooreenkoms te voldoen, en versuim om sodanige verstek reg te stel binne 14 dae nadat enige party ("onskuldige party") die versuimende party skriftelik daarvan in kennis gestel het, is die onskuldige party sonder benadeling van sy ander regte daarop geregtig om kragtens hierdie Ooreenkoms of ingevolge die reg die betrokke bestelling en/of hierdie Ooreenkoms in sy geheel (in laasgenoemde geval deur jou Klublidmaatskap te beëindig) te kanselleer en om enige skadevergoeding te eis wat as gevolg van sodanige kontrakbreuk gely is.

12.3

Indien hierdie Ooreenkoms (en dus jou Klublidmaatskap) om enige rede beëindig word, bly jy aanspreeklik vir enige bedrag wat dan aan LK verskuldig is ten opsigte van produkte wat reeds deur jou gekoop is of andersins.